【安心出Trip】疫情下公費旅行開支竟然倍增?!
疫情及經濟逆轉下,眾多部門要「勒緊褲頭」,但有一項開支一枝獨秀,就係「長期優良服務公費旅行獎勵計劃」,即係獎勵資深公務員去旅行嘅開支【註1】:2021-22年預算達$2.46億,係2020-21年嘅實際開支$3,377萬嘅7.3倍,亦比同年嘅核准預算增加85%【註2】。
政府解釋舊年因為疫情,多達3,430位幸運兒要逼埋今年去旅行。疫情下,飛唔飛到都成為問題,但呢筆開支仍然係2019-20年實際開支(疫情前)嘅兩倍左右,令人百思不得其解。
「公費旅行計劃經濟圈」早已出現,不少旅行社均有「公費旅行獎勵計劃」package,由歐洲巴爾幹半島、非洲撒哈拉沙漠去到風光明媚嘅新西蘭都有,可謂應有盡有【註3】,係來年全球疫情仍然嚴峻下推行「旅遊氣泡」,邊個會最開心?
除此之外,唔係資深嘅公務員都有「度假旅費」津貼:高級公務員例如首長級薪級表第7點或以上嘅公務員,可以一年最多攞$79,050公帑去旅行【註4】,相關開支係2021-22年亦達到$1.45億【註2】。
雖然獎勵資深員工去旅行係好多大公司嘅普遍做法,但面對財困,政府竟然唔理公眾觀感,繼續「自己獎自己」:每個受惠嘅幸運兒,閒閒地都受資助幾萬蚊【註5】、合資格嘅高級公務員每年亦可以攞$8萬公帑去旅行,同樣係8萬蚊,失業市民請求政府支援貸款,竟然要比利息,做埋財仔個份。一邊對市民度縮,一邊對自己人大開水喉,說好的財政紀律去左邊呢?
#財政預算案
#安心出Trip
#開放資訊研究
【註1】長期優良服務公費旅行獎勵計劃「旨在獎勵長期服務而表現持續優良的員工,向獲選 的本地非首長級公務員及其同行人士發放旅行津貼 。」,以往只容許員工同行配偶獲資助,林鄭月娥喺2018年施政報告放寬限制,連員工一名同行親友或長期伴侶都可以獲資助,2017年獲獎人數達2510位
公務員事務局 長期優良服務公費旅行獎勵計劃 https://www.csb.gov.hk/tc_chi/admin/relations/168.html
立法會 公務員及資助機構員工事務委員會2018年11月19日舉行的會議有關公務員嘉獎計劃的最新背景資料簡介
https://www.legco.gov.hk/yr18-19/chinese/panels/ps/papers/ps20181119cb4-193-7-c.pdf
【註2】2021至22年度財政年度政府財政預算案 總目46-公務員一般開支 https://www.budget.gov.hk/2021/chi/pdf/chead046.pdf
【註3】金怡假期 公務員【長期優良服務公費旅行獎勵計劃】旅行團
https://www.goldjoy.com/tour?code=kas19b
JeTour 長期優良服務公費旅行獎勵計劃 http://bit.ly/3pOPQCq
【註4】公務員事務局 度假旅費 https://www.csb.gov.hk/tc_chi/admin/benefits/113.html
【註5】2019年4月3日 TOPick 政府擲1.31億元獎勵2500公務員去旅行 包食住人均資助5.2萬 http://bit.ly/37Ihquy
▍研究到底 參與小額月捐支持
https://liber-research.com/support-us/
同時也有1部Youtube影片,追蹤數超過3萬的網紅楊岳橋Alvin Yeung,也在其Youtube影片中提到,2017/18年度施政報告致謝動議 2017-11-08 林鄭話要加快公開政府數據,但係加快還加快,千祈唔好以為所有政府資料scan成PDF或者輸入成.xls,就算係公開咗。唔識唔明,楊局長可以帶隊去台灣取下經,了解下人哋點解會喺「全球開放資料」排行榜排第一!...
「2017 施政報告 pdf」的推薦目錄:
2017 施政報告 pdf 在 Happy Kongner 快活角落頭 Facebook 的精選貼文
【Kongner編輯室】
米迦 Micah:政府扶貧政策因循苟且 羅致光再顯高分低能本色
由於我哋嘅總編輯瘋子愷都重係喺勒令休假當中,因此今次嘅 Kongner 編輯室就由我米迦嚟代筆喇。
話說我今朝一瞓醒就見到我哋HappyKongner Telegram Group 喺度熱烈咁討論緊一單新聞,而主角都係本台一直以嚟十分中意嘅香港勞工及福利局局長,號稱IQ160但高分低能嘅神童局長羅致光。繼佢上次無憑無據就發表咗「燒烤產生嘅二噁英遠高於催淚彈」嘅弱智言論之後,佢就喺今朝上咗香港電台嘅《千禧年代》節目接受訪問嘅時候都講咗一啲完全合乎我對佢「高分低能」呢個認知嘅說話,當時佢原句就係咁樣講嘅:
「喺好多年青人嚟講呢,姐係我哋叫『裸辭』就係,『我唔中意啊,我就走喇』,咁佢由一份工去到另一份工中間果個時間比較長,所以當我哋從統計去調查嘅時候呢,喺呢個調查入面啱啱揾到呢堆年青人呢就係零收入嫁喇。咁而佢果個貧窮率嘅情況就會上升。年青人就係『就業』,我哋點樣去協助佢就業嘅問題,當然有好多年青人係唔需要我哋幫嘅,自已都搞得掂。同埋喺依家果個嘅社會經濟結構,佢個發展嘅機會啊,向上流嘅機會啊,從果個角度去睇果個政策,就唔係用派錢嘅方法去處理。」
(詳情可以參閱以下網址:https://news.now.com/home/hot/player?newsId=373518&hot=1 )
而羅致光亦都講到貧窮人口問題:
勞工及福利局局長羅致光在本台節目《千禧年代》表示,貧窮人口上升的其中一個原因是人口高齡化、退休人士增加,由於貧窮人口只計算個人收入,不計算積蓄,所以若退休人士靠儲蓄生活,沒有收入,就會跌入貧窮線。
(詳情喺呢度:https://news.rthk.hk/rthk/ch/component/k2/1497859-20191216.htm)
對於前者,想必大家一定對啲咁嘅弱智言論口誅筆伐,因此我喺呢度都唔想再多費唇舌去做呢一樣嘢。不過與其話羅致光以至政府係知其言不知其所以然嘅話,我會認為佢哋係喺度嘗試誤導緊大家,令大家陷入咗佢哋嘅思維入面,因為我哋墮進咗一個數字嘅迷思入面,呢樣嘢尤其見於後面講貧窮人口問題嘅果度。
我哋睇返扶貧委員會發表嘅果份2018年貧窮情況報告,喺「附錄五:統計附錄」果一部分嘅「表B.1.2:2009-2018年各類貧窮指標(與政策介入前的貧窮指標比較)」入面就有一段以下嘅數據:
1. 2009年至2018年嘅貧窮率數字,逐年嚟講分別就係2009年嘅20.6%、2010年嘅20.1%、2011年嘅19.6%、2012年嘅19.6%,2013年嘅19.9%、2014年嘅19.6%、2015年嘅19.7%、2016年嘅19.9%、2017年嘅20.1%同埋2018年嘅20.4%。
如果單憑呢個數字去睇,報導入面所講嘅所謂十年新高其實係講緊個比率,2018年嘅20.4% 係自2009年嘅20.6% 以嚟最高。然後大家就會好直觀咁諗,貧窮人口又再接近返2009年嘅數字,但事實上係咪真係咁呢?我哋又睇下另外三組嘅數據:
2. 2009年至2018年貧窮住戶數字,逐年嚟講分別就係2009年嘅541,100戶、2010年嘅535,500戶、2011年嘅530,300戶、2012年嘅540,600戶,2013年嘅554,900戶、2014年嘅555,200戶、2015年嘅569,800戶、2016年嘅582,200戶、2017年嘅594,000戶同埋2018年嘅612,900戶。
3. 2009年至2018年貧窮人口數字,逐年嚟講分別就係2009年嘅1,348,400人 、2010年嘅1,322,000人 、2011年嘅1,295,000人、2012年嘅1,312,300人,2013年嘅1,336,200人、2014年嘅1,324,800人、2015年嘅1,345,000人、2016年嘅1,352,500人、2017年嘅1,376,600人同埋2018年嘅1,406,500人。
4. 2009年至2018年每月平均貧窮差距(港元)數字,逐年嚟講分別就係2009年嘅3900港元、2010年嘅4000港元、2011年嘅4200港元、2012年嘅4400港元,2013年嘅4600港元、2014年嘅4900港元、2015年嘅5200港元、2016年嘅5500港元、2017年嘅5800港元同埋2018年嘅6000港元。
(詳情可參照以下報告:https://www.povertyrelief.gov.hk/chi/pdf/Hong_Kong_Poverty_Situation_Report_2018(2019.12.13).pdf)
從2同3入面,我哋就會見到個問題所在。就算2018年嘅貧窮率20.4%係無2009年嘅20.6%咁高都好,其實自2015年開始,貧窮人口嘅數字本來已經逐年增長緊。而去到2018年,姐係今次公佈嘅呢堆數字,無論係喺貧窮戶、貧窮人口定還是每月平均貧窮差距嚟講,總體數字都係咁多年以嚟最高。呢個就係政府同你玩嘅數字遊戲。
簡單啲嚟講嘅就係,社會唔會因為貧窮線以上嘅人多咗,貧窮線以下嘅人必然就會少咗,呢個唔係相對嘅概念。因為一個正常嘅社會,人口係會有增長,而唔係定死咗,所以單從貧窮比率嚟睇嘅話,係好難睇到究竟貧窮問題係去到一個乜嘢程度。因此大家應該要著重嘅嘢唔係比率,而係總體數字,因為呢啲咁嘅總體數字係無得好似掌門人咁打和。
總括嚟講嘅就係,其實柒婆上任以嚟,貧窮人口根本就無減少過,喺呢度已經唔係話要完全解決貧窮問題,而係單單只係要求減少貧窮人口呢樣嘢,其實現屆政府所做嘅嘢係完全無料到。咁當然,如果閣下有同我哋一齊喺直播度睇佢份施政報告嘅話,大家都會明點解嫁喇。
而喺理解咗以上我所講嘅嘢之後,我哋再嚟睇下號稱IQ160但高分低能嘅神童局長羅致光又喺《千禧年代》入面講嘅嘢,我哋就會見到其實佢講嘅嘢其實係充滿住語言藝術,而呢種語言藝術就係將一堆廢話講到好似一堆好冠冕堂皇嘅說話。佢所講嘅「貧窮人口上升」嘅其中一啲原因係人口高齡化同退休人士增加,呢啲根本上就係廢話嚟。廢嘅原因唔係在於佢講嘅嘢喺事實上係有問題,而係佢作為一個相關官員,佢無打算對「貧窮人口上升」嘅一啲結構性核心問題作出任何解釋,要知道你唔會係今日先知人口係會高齡化而退休人士係會增加嫁下話。
其次,就算跌入貧窮線大部分都係退休人士嘅話,而呢堆人比往年真係有所增加,呢個只係解釋咗點解會「貧窮人口」上升咗呢樣嘢姐,但其實最重要嘅問題係應該問,喺政府咁多所謂「行之有效」嘅扶貧政策之下,點解「貧窮人口」無減少過,重反而上升咗呢?如果政府嘅扶貧政策係真係有效嘅話,即使有好多明明可以預計到人數嘅人會變老或者退休人士「跌入貧窮線」,其實貧窮人口都可以做到唔會上升,重可以係減少。問題係,點解依家羅致光講到「人口高齡化」同「退休人士增加」呢兩樣嘢好似好突然之間發生咁,而又無提過點解核心貧窮家庭無減少過呢,以致成個基數根本就好似無變過咁呢?
簡單啲嚟講嘅就係,「貧窮人口」上升呢樣嘢,除咗可以係羅致光口中講果兩個原因,諗深一層嘅話其實係代表政府無解決過貧窮人口嘅核心問題,就係果堆貧窮人口根本就脫唔到貧,而作為相關官員嘅羅致光不但無提呢堆人,就只係喺度顧左右而言他,其實就只不過係巧言令色為自己同成個政府嘅無能而狡辯,所謂扶貧政策都只不過係陳陳相因,根本無考慮過去解決核心問題。
而最得意嘅就係政務司司長阿傀儡局長張建宗喺12月14號果日接受傳媒訪問果陣重話:
「未來長者人口不斷增加,政府需更好處理貧窮問題。他承認香港貧窮情況仍然嚴峻,但指出在職貧窮及兒童貧窮的情況有改善,反映政府的扶貧措施到位、有效。」
(詳情喺呢度:https://news.mingpao.com/ins/%E6%B8%AF%E8%81%9E/article/20191214/s00001/1576293890996/%E7%BE%85%E8%87%B4%E5%85%89-%E6%94%BF%E5%BA%9C%E6%89%B6%E8%B2%A7%E4%B8%8D%E6%9C%83%E3%80%8C%E6%84%88%E6%89%B6%E6%84%88%E8%B2%A7%E3%80%8D-%E6%96%99%E5%AF%A6%E9%9A%9B%E8%B2%A7%E7%AA%AE%E4%BA%BA%E5%8F%A3%E7%B4%8491%E8%90%AC)
傀儡局長唔知市民點解咁嬲都算喇,因為市民都唔知點解你可以咁廢,不過廢到連咩叫「有效」都唔識解都重做到官果下好嘢。貧窮人口喺現屆政府上任以嚟有增無減叫「扶貧措施到位、有效」啊?咁如果有人同阿傀儡局長講話:「你嘅頭髮甩得越嚟越多,你需要好好處理脫髮問題。我承認你嘅脫髮問題仍然嚴峻,但指出喺地中海兩側都重有啲頭髮,反映你用嘅生髮水到位、有效。」生髮水係有效,傀儡局長你就唔會重係地中海啦,咁你重地中海咪姐係支生髮水無效囉。同一道理,扶貧措施係有效嘅話,整體貧窮人口就唔會上升啦,咁整體貧窮人口重上升嘅咪姐係你個扶貧措施無效囉。
再者,以羅致光用「裸辭」嚟解釋「政府政策介入後年輕人貧窮率仍按年上升」嘅方向嘅話,張建宗口中講嘅「在職貧窮及兒童貧窮」嘅情況有改善又一定關你扶貧措施事嫁?唔俾係喺你哋做調查果陣,老闆中咗六合彩出Bonus俾員工同老豆老母中咗馬俾多咗零用啲小朋友呢?哦果陣就話年輕人「裸辭」唔關你個政策咁。呢個時候又唔俾人中六合彩中馬又要關你個扶貧措施事嘅。無錯,公佢贏字你輸,而我諗大家都會話個政府講哂,而最得意嘅就係大家明知佢講哂,佢都重有機會可以繼續講哂。
老實講,香港政府有幾廢呢樣嘢我諗都街知巷聞,而最諷刺嘅唔係在於個政府有幾廢有幾無恥咁日日夜夜喺度信口雌黃諉過於人,而係在於不少香港人居然可以忍得到果下厲害。問題在於點解大家明知佢咁廢都會容許佢存在呢?當然,如果我作為既得利益者嘅,政府越廢嘅話,監管能力就自必然越低,做任何嘢嘅自由度就越大,咁既得利益者就當然認為無乜所謂啦,所以既得利益者會反政府基本上係絕無僅有嘅事。不過呢個都唔係單單只係既得利益者嘅問題,亦都就好似我之前所講,我見過一個衣衫襤褸,明顯係朝不保夕嘅阿叔會走過嚟同宣傳遊行嘅街站義工講,叫佢哋唔好搞事唔好阻住人發達。從呢一件事我哋就會睇到香港人係幾咁捨己為人,明顯發達呢樣嘢可能俾佢喺香港刷多十次首抽都唔會有佢份嘅時候,寧願自己賤過地底泥窮過流浪狗都要求大家唔好阻人發達。貧富都咁包容,你都咪話唔和諧。
我成日都覺得問題不在佢哋,因為佢哋唔會睇我個台,呢個就唔係我嘅問題。不過本身已經反政府,講到明眼裡容不下暴政嘅大家,本來對於呢個體制已經無甚寄望,但又好似「包容」到佢繼續存在落去,呢個又返到去我上星期四嘅果篇文講嘅果「四薪」嘅概念:「明足以察秋毫之末,而不見輿薪」、「反裘負薪」、「杯水車薪」以及「揚湯止沸,不如絕薪止火」。
都係諗唔明我噏乜?咁就要再睇多幾次啦。
(【滿壑呼嘯誰識名(二):薪】:https://www.facebook.com/micah.kongner/photos/a.145703846812429/157294338986713/?type=3&theater)
(本欄逢周一、四更新。敬希讀者垂注)
---------------------------------------------------------------------
HappyKongner 招稿喇!!!
我哋嚟緊會喺逢星期五加設 【Kongner投稿天地】 ,俾廣大Kongner 弟兄姊妹能夠有發表佢哋意見嘅地方,亦都可以鼓勵大家多啲運用自己嘅闡述能力。
有興趣嘅朋友歡迎直接Facebook Send Message 俾我哋,又或者Email 去 happykongner@gmail.com 同我哋傾都得。
期待收到大家嘅鴻文大作!
納稿標準:合乎邏輯,文句通順,言之成理即可,不過編輯部同事比較嚴謹,大家自己小心。
2017 施政報告 pdf 在 譚蕙芸 Facebook 的最讚貼文
蘇太:「今天我來到這裹,我不知道是否有機會明天再見大家。我怕如今緩慢的制度下,本人應該沒有福氣享用到政府的關愛。我記得陳局長曾經講過,一個家庭裹,如果有一個病人需要昂貴的藥物,會傾家蕩產。」
「我想強調我非刻意選擇藥物,而是第三代藥物適合我。希望政府、醫管局等等,及各位尊貴的議員不要遺棄我。現時是十萬火急,希望能酌情處理。制式是死的,人是生的。問題是你們有沒有心。」
蘇太來到立法會,並沒有存心希望自己能成為合資助購用鏢靶藥物第三代。儘管她不知道明天,但都想為下一個癌症患者爭取。政府聽到市民呼喊,能否為他們多行一步?
▶️延伸閱讀:
《2019年撥款條例草案》的二讀發言:巴士媽媽病了https://www.facebook.com/fernandochiuhungcheung/videos/386774395256110/
20170307_千禧年代_智障者牙科中心稱政府將停資助訪問
https://www.facebook.com/fernandochiuhungcheung/videos/10158299227025721/
2019/4/11 譚蕙芸:巴士媽媽的近況
https://thestandnews.com/society/%E5%B7%B4%E5%A3%AB%E5%AA%BD%E5%AA%BD%E7%9A%84%E8%BF%91%E6%B3%81/
張超雄立法會議員辦事處:200億「蒲公英藥物基金」 -施政報告建議(2017年8月24日)
http://cheungchiuhung.org.hk/chi/wp-content/uploads/2017/08/200%E5%84%84%E3%80%8C%E8%92%B2%E5%85%AC%E8%8B%B1%E8%97%A5%E7%89%A9%E5%9F%BA%E9%87%91%E3%80%8D%EF%BC%8D%E6%96%BD%E6%94%BF%E5%A0%B1%E5%91%8A%E5%BB%BA%E8%AD%B0.pdf
#巴士媽媽 #蘇太 #譚蕙芸 #肺癌 #鏢靶藥物 #鏢靶藥物第三代 #癌症患者 #昂費藥物 #蒲公英基金
2017 施政報告 pdf 在 楊岳橋Alvin Yeung Youtube 的最讚貼文
2017/18年度施政報告致謝動議 2017-11-08
林鄭話要加快公開政府數據,但係加快還加快,千祈唔好以為所有政府資料scan成PDF或者輸入成.xls,就算係公開咗。唔識唔明,楊局長可以帶隊去台灣取下經,了解下人哋點解會喺「全球開放資料」排行榜排第一!
![post-title](https://i.ytimg.com/vi/wsIEy9Vkktk/hqdefault.jpg)
2017 施政報告 pdf 在 Naaa Moin , Kennt jemand von euch ruhigere, breitere , tief 的推薦與評價
【施政重點】2017年財政年度施政報告小冊子小編:下載圖片來閱讀, ... 施政報告文本: http://www.policyaddress.gov.mo/policy/download/2017_policy_cn.pdf 施政 ... ... <看更多>